الشباب والبنات قبل وبعد الزواج

[b]
بسم الله الرحمن الرحيم
الفرق بين الولد والبنت قبل الزواج

طبعا كلنا عارفين فترة الخطوبة والى بيحصل فيها والزواج والى بيحصل فيه
طبعا فرق السماء والارض بين هذا وذاك


*اول حاجة يكون الشاب حريص عليها انه يمسك ايد خطيبته ويقول لها تعالى جنبى علشان العربيات رغم انهم ماشيين على الرصيف ويسلام لو عنده عربية تلاقيه مقعدها جنبه وخايف عليها من نسمة الهوا ويقلها اقفلك الزجاج تعالى جنبى علشان الهوا(مسكينة)
*بعد الزواج راكبين العربية تلاقيه لازق فى الباب وهى فى الباب التانى وقاعد ارفان ويقول انا كان مالى ومال الجواز ما انا كنت قاعد جنب المى فى البيت اكل شارب معزز مكرم وبعدين بقى تفكره بالشباك تقله جايب هوا يقلها كسرى ام الشباك يك يولع الشباك والى عمله الكرة يا ماما جنب ايدك ارفى الاكرة كده اهو وانزلى بره طراوه مش عارفه تفتحى الباب ايديك اتخشبت
افتحى الباب كده اهوه ويكسر الباب


*قبل الزواج وهما فى العربية تلاقيه مشغل اغانى حب ورومانسية (عبد الحليم ام كلثوم على الحجار)
*بعد الزواج هو شريط واحد واغنية واحدة فى البيت والعربية (هانى شاكر غلطة )


*الشاب وهو خاطب يخرج مع خطيبته يقفوا قدام محل الفساتين هى تبص للفستان وهو يلف حواليه ويقلها ايه يا حبيبتى الفستان ده عجبك هى بقى تترسم وتقول مش بطال وفى ثانية الفلوس تطلع ويدخل يجيب الفستان
*بعد الزواج يخروجوا يقفوا ادام محل الفساتين هى تبص للفستان وصاحبك يتوه ويبص للسما ويقلها بقلك ايه يا مادام
عايز اكلمك فى موضوع علمى بيقلك الاوزون اتخرم والغلاف الجوى حصل فيه ثقب الجو ساعة يبقى حر وبعدين يبرد
والنجوم مش بتطلع زى الاول ايام ميعلمش بيها الا ربنا...يلا يلا يلا يا حاجة....يا حاجة انتى نمتى يلا يا اما
تول له يلا ايه ؟ يقلها يلا نمشى تقه مش هاشوف الفستان يقلها فستان ايه ده رجالى هنا تقوله رجااالى !!!!!
يقلها امال لعب اطفال؟ تقله انت نظرك ضعف يقلها البركة فيكى ربنا ينتقم منك نظرى ضعف هو انا عدت بشوف
تقله الفستان اهه يقلها الفستان عجبك تقله جدا يقلها خلاص اجيبك كل يوم تتفرجى عليه هو موجود هنا اهه

زى ما اتكلمت على الشباب نتكلم بقى شوية على الانسات

*الانسات بقى فى الخطوبة حاجة تفرح والله علشان تعرف المخطوبة من المتجوزة
المخطوبة تلاقى ايدها فى ايد خطيبها او الصابع الصغير فى الصابع الصغير وطول ما هما ماشيين خد منها كلام حلو للصبح اسمع محمد امبارح انا وماما منمناش التكييف كان بايظ وقاعدين فى البالاكونة طول اليل والله ماما بتحبك يا محمد مش علشان حاجة بتجيبهالنا وانت جاى طول اليل بفكر فيك انت متعرفش انت يا محمد بالنسب لنا ايه يا خرابى
عارف لما بتكون عندنا وبتمشى اخويا الصغير بيمسك فيك اقوله خلاص ابيه جاى بعد بكرة
* بعد الزواج بسنة تلاقيه طفشان يا عينى عشرين متر ورا وهى عشرين متر قدام مش عايز يسمع منها حاجة ويقلها يلا ياستى علشان نروح ده انتى يومك طويل مبحبش اخرج معاكى فى حته بيبقى يوم يعلم بيه ربنا عيا وعلى الى جابونى
انا كان مالى ومال الجواز انا كنت قاعد جنب امى باكل واشرب تقلك ايه لازم نروح لماما قال يعنى ماما مكنتش عندنا امبارح واكلت اكل التلاجة فضت


*الى يغيظ بقى ان اى شاب خاطب يروح لخطيبته من سبعة لسبعة ونص ثامنية هى بقى من واحدة الضهر تسيب كل حاجة وتتفرغ لحاجتين المراية وعلبة المكياج وابقى قابلنى لو شفتهم بعد الزواج الا وهى خارجة تلطعك ساعة وانت واقف
فى الخطوبة بقى تحط شوية برفان وبعدين شوية ايللل وبعدين شوية اكوادور وبعدين شوية ميش وبعدين بكر(ده الى كان جبلنا جنون البقر)
*بعد الزواج يستناه تلاقيها بتنده عليه ولا يا عبده جلاليب وعبايات اشكالها غريبة اشربات مربوطة من صباحية ربنا
الى يعلم بيها مربطة لالالالا ويتفننوا الراجل يا عينى يصحى الصبح يلاقى الرابطة على اليمين يتغدوا تغيرها على الشمال بليل الرابط قدام لا وفيه حاجة جديدة طالعة اسمها تقريبا البونيه حاجة زى كده الراجل يدخل البيت بدل ما يلاقى قفص عصافير منظر طبيعى يلاقيها قاعدة بالبونيه المشكلة بقى انه زى ما يكون جاى من عند العجالاتى
منفوخ من فوق ونازل زى ديل الخروف من تحت وقاعدة بريحة البصل (دراكولا)

*وبناخد مقلب مبنعرفش الشعر الحقيقى غير بعد الزواج
ليه؟ بيكون اتغسل وكل حاجة رجعت لأصلها]

هههههههههههههههههههههههههههههههههههههههههههههه
فعلا هو ده اللي بيحصل

كل شي جايز ووارد الخطوبة عبارة عن خدعة للطرفين بيحاول كل واحد يبين محاسنه وايجابياته للطرف الاخر ويمحي سلبياته وبعد الزواج الاتنين بيتفاجئو ببعضيهم وكانهم اغراب ما بيعرفو طباع بعض

لسه في من ده كتير هم لسه شافواحاجه
هههههههههههههههههههههههههههههههههههههه